Real Madrid ka dërguar disa vëzhgues nga departamenti i drejtorit sportiv në Poloni ku do të zhvillohen ndeshjet gjysmëfinale të Kampionatit Evropian për 21 vjeç.
Los Blancos kanë traditë me blerje nga kjo garë pasi kanë nënshkruar me disa lojtarë që kanë shkëlqyer në këtë nivel.
Royston Drenthe në vitin 2007, Mesut Ozil dhe Sami Khedira në vitin 2009 dhe Asier Illarramendi e Isco në vitni 2013.
David de Gea ishte pëlqyer shumë në vitin 2011, por nuk arritën ta bindin të bashkohet me Los Blancos.
Në skuadrën e Albert Celades gjendet Marco Asensio që është pjesë e Real Madridit dhe do të shikohet loja e tij nga afër edhe pse ky i fundit e ka bindur që moti klubin.
Dani Ceballos i Real Betis është një lojtar që pëlqehet shumë.
Sandro Ramirez po ashtu ka treguar formë të mirë dhe nëse Alvaro Morata dhe Cristiano Ronaldo largohen brenda këtij afati, ai ka gjasa të bashkohet me klubin nga Santiago Bernabeu.
Ish lojtari i Barcelonës, ka oferta nga Everton dhe Atletico.
Lojtar që nuk është spanjoll dhe Real Madridi e do në skuadër është portieri italian Gianluigi Donnarumma, ndërsa në garë është edhe portieri spanjoll Kepa Arrizabalaga.
I fundit është Marcos Llorente që do të shikohet nga krerët e klubit. /Telegrafi/