Real Madridi ka vazhduar me fitore në La Liga, teksa ka mposhtur Huescan 4-1.
Los Blancos dominuan në fushë që nga fillimi i ndeshjes, por vetëm në pesë minutat e fundit të pjesës së parë gjetën golat.
Eden Hazard fillimisht realizoi një gol jashtëzakonisht të bukur për 1-0 nga distanca.
Për belgun ky ishte goli i parë këtë edicion derisa i pari pas 392 ditëve me fanellën e Realit, ku së fundmi kishte shënuar ndaj Granadas.
Në minutën e fundit të pjesës së parë, Real Madridi shënoi edhe golin e dytë në ndeshje, ku kësaj radhe realizoi Karim Benzema me një gjuajtje të fortë brenda zonës.
Me epërsinë prej dy golave të vendasve përfunduan 45 minutat e para të kësaj sfide.
Los Blancos shkëlqyen edhe në pjesën e dytë, ku Fede Valverde realizoi një gol të bukur pas asistimit nga Benzema për 3-0.
David Ferreiro i mysafirëve shënoi në minutën e 75-të për ta ngushtuar epërsinë e madrilenëve në 3-1.
Por krejt në fundin e ndeshjes, Karim Benzema shënoi edhe një gol për rezultatin përfundimtar 4-1.
Me këtë fitore, Real Madrid ngritët në krye të La Ligas me 16 pikë të tubuara, ndërsa Huesca është 18-ta në tabelë me vetëm pesë pikë. /Telegrafi/
https://twitter.com/Nino12x/status/1322534682089717760
https://twitter.com/negropalenciaa/status/1322537145115070471
https://twitter.com/19oo97/status/1322543381550170112
https://twitter.com/negropalenciaa/status/1322552143719616518