Real Madridi e ka mbyllur me humbje stinorin në La Liga, pasi ka pësyar para adhuruesve të vet nga Real Betis 0-2.
Los Blancos e nisën më mirë takimin dhe patërn rastin e parë të mirë në minutën e 26-të.
Ishte mbrojtësi i majtë brqzilian, Marcelo që goditi fuqishëm, por që gjuajtja e tij nuk përfundoi brenda golit.
Firpo Junior e Marc Bartra patën raste të mita për Betisin, por pa sukses.
Madrilenët tentuan të shënonin edhe me francezin Benzema,por që nuk ia dolën.
Me rezultatin e barabartë 0-0 përfunduan 45 minutat e para të ndeshjes.
Vinicius Junior pati rast të mirë me të filluar pjesa e dytë, por që nui arriti të realizonte.
Betis arriti të shënoj golin e epërsisë në minutën e 61-të me anë të sulmuesit Loren.
Mysafirët nuk ndalën dhe shënuan edhe golin e dytë, ky realizoi ish sulmuesi i Realit Jese Rodriguez në minutën e 75-të.
Kësisoj Reali e mbyll sezonin në pozitën e tretë në tabelë me 68 pikë pas 38 ndeshjeve dhe pa asnjë trofe të fituar.
Në anën tjetër Betis e mbyll kampionatin në pozitën e 10-të me 50 pikë. /Telegrafi/
Jese scoring against his old club Real Madrid. pic.twitter.com/GRyDP4ZpBe
— .. (@Zak_clinical) May 19, 2019