Zëdhënësi i Qeverisë së Kosovës, Përparim Kryeziu, ka mohuar zërat për anulimin e mbledhjes së dy qeverive të Kosovës dhe Shqipërisë që është planifikuar të mbahet të mërkurën, 14 qershor, në Gjakovë.
Kryeziu ka thënë për Telegrafin se mbledhja nuk është anuluar.
“Gjithçka është gati në Gjakovë. Kryeministri Kurti tani po merr pjesë në koncertin e sotëm atje të Ansamblit Shota dhe muzikantëve nga Kosova nga Shqipëria që është edhe uverturë për mbledhjen e nesërme”, ka thënë ai.
“Për anulimin po dëgjojmë tani nga ju”, ka thënë Kryeziu.
Ndryshe, media në Tiranë, Top Channel, ka shkruar pak më parë se është anuluar mbledhja e nesërme e dy qeverive në Gjakovë. /Telegrafi/