Kompania farmaceutike “Gentipharm” ka bërë një reagim publik ndaj Agjensionit të Kosovës për Produkte dhe Pajisje Medicinale (AKPPM), për siç thuhet bllokimin e importit të alkoolit.
Në reagimin e “Gentipharm” thuhet se AKPPM nuk ka lëshuar leje për importin e alkoolit i cili në këtë kohë pandemie përdoret si dezinfektues.
“Që nga data 13 korrik, kompania “Gentipharm” ka aplikuar për leje importi në AKPPM për alkool të denatyruar duke paraqitur të gjithë dokumentacionin e duhur dhe zyrtarët përgjegjës të këtij agjensioni vazhdimisht pengojnë lëshimin e lejes së importit. Rrjedhimisht lënda e alkoolit ka mbetur e bllokuar në doganë në pamundësi të zhdoganimit për shkak të mungesës së kësaj leje (importi)”, thuhet në reagimin e kësaj kompanie.
Kompania thekson se për këtë problem është njoftuar edhe ministri i Shëndetësisë, Armend Zemaj, por që deri më tani nuk ka pasur asnjë intervenim nga MSh-ja.
Ndryshe Telegrafi ka provuar të marrë një qëndrim nga AKPPM-ja mirëpo deri më tash nuk janë përgjigjur./Telegrafi/
Më poshtë mund ta lexoni reagimin e plotë:
