Reagon edhe UEFA pas fitores dhe formës së lartë të Kosovës

Shtëpia evropiane e futbollit, UEFA ka reaguar pas fitores së Përfaqësueses së Kosovës ndaj Republikës së Çekisë.

Kosova ka arritur të fitojë me rikthim 2-1 ndaj Republikës Çeke në një atmosferë të zjarrtë në stadiumin Fadil Vokrri.

Kjo fitore e Dardanëve erdhi falë golave të shënuar nga sulmuesi Vedat Muriqi (20′) dhe mbrojtësi Mërgim Vojvoda (66′).

Lexo po ashtu Në detaje - e gjitha që ndodhi në triumfin mbresëlënës të Kosovës kundër Republikës Çeke

Fitorja e Kosovës bëri bujë të madhe në mediat vendore dhe ndërkombëtare, ndërsa reagim ka dhënë edhe faqja zyrtare e UEFA-s.

Faqja zyrtare e UEFA-s ka shkruan për formën e mirë që po kalon Kosova, si përfaqësuese e pamposhtur në 15 ndeshje.

Lexo po ashtu Notat e lojtarëve, Kosovë 2-1 Republika e Çekisë: Shkëlqim nga mbrojtja në sulm

“Kosova, kombëtarja në formë. FFFFBFFBFFBBBFF”, shkruan në faqen zyrtare të UEFA EURO 2020.

Ndryshe, ndeshja e radhës e Kosovës është në udhëtim te Anglia me 10 shtator në stadiumin St Marys të Southamptonit. /Telegrafi/