Pas Ministrit të Punëve të Jashtme të Marokut, Saadedine Othmani, i cili reagoi ndaj deklaratave të zëvendësministrit të Kosovës, Behgjet Pacolli, i cili kishte thënë se kanë pasur një takim domethënës, ka reaguar edhe shefi i diplomacisë së Tunizisë, Khemaies Jhinaoui, i cili ka shkruar në Twitter se takimi me Pacollin ishte i rastësishëm.
“Takimi me Ministrin e Punëve të Jashtme të Kosovës në OKB ishte i rastësishëm, dhe nuk ka pasur kurrfarë substance, e as ndonjë lidhje me raportet në të ardhmen mes dy palëve”, ka shkruar shefi i diplomacisë së Tunizisë, transmeton Telegrafi.
Ndërkaq, zëvendëskryeministri i Kosovës, kishte postuar një fotografi me diplomatin tunizian, ku kishte shkruar se kanë biseduar për raportet dhe të ardhmen mes dy vendeve.
E ditë më parë Ministri i Jashtëm i Marokut, pati shkruar në Twitter se nuk kanë biseduar me Ministrin e Jashtëm të Kosovës për marrëdhëniet bilaterale dhe se Maroku nuk e njeh shtetin e Kosovës. /Telegrafi/