Marko Arnautovic ka reaguar pas akuzave që ka ofenduar lojtarin shqiptar të Maqedonisë së Veriut, Ezgjan Alioski.
Pas shënimit të golit Arnautovic shpërtheu dhe u desh që ta mbanin shokët e skuadrës për të mos eskaluar shumë.
Mediat shkruajnë që futbollisti i Austrisë, ka thënë: “Të q…. nënën shqiptare”, duke ia lexuar buzët.
Sigurisht ky lajmi është bërë aktual dhe shumë prej shikuesve të EURO 2020, kërkojnë dënimin e tij.
Lojtari ka reaguar duke thënë se nuk është racist dhe nuk do të jetë kurrë një i tillë, duke shtuar se ishte një betejë fjalësh mes tij dhe lojtarëve të Maqedonisë së Veriut.
“Unë nuk jam racist dhe nuk do të jem kurrë një i tillë. Ishte një betejë fjalësh gjatë një momenti emocional, nga njëra anë në tjetrën”.
“Shokët e mi, të cilët janë rritur në familjen time, janë nga e gjithë bota”.
“Isha i lumtur, natyrisht kishte fjalë që më lënduan gjithashtu. Ishte thjesht një shkëmbim fjalësh mes emocionesh. Për të gjithë njerëzit që janë ndjerë të prekur: Më vjen keq, më vjen keq, më vjen keq. Le t’i harrojmë të gjitha këto, nuk janë pjesë e futbollit”, ka thënë Arnautovic.
Në fund ai ka shkruar edhe në gjuhën shqipe: “Më falni”, pasi ai thotë se ka miq në vendin tonë.
Ndeshja mes Austrisë dhe Maqedonisë së Veriut u mbyll me fitores e austriakëve 3-1./ Telegrafi/
Luani dhe fitoni shpërblime këtu >
Më shumë lajme nga kampionati Euro 2020 >
—