Reagojnë ish-bashkëlojtarë dhe yjet e NBA në lidhje me vdekjen e Kobe Bryant

Rrjetet sociale u pushtuan me postime pikëlluese kur u mësua lajmi se Kobe Bryant ka ndërruar jetë.

Legjenda e basketbollit ndërroi jetë në moshën 41-vjeçare pasi helikopteri me të cilin po udhëtonte u rrëzua.

Ish-ylli i Lakers ka mbetur i vdekur së bashku me vajzën e tij Gianna Mari, që po fluturonin së bashku për ta shikuar një ndeshje basketbolli.

Lexo po ashtu Flet zjarrfikësi nga vendi i rrëzimit të helikopterit në të cilin gjendej Kobe Bryant

Në helikopter gjendeshin edhe tre persona të tjerë, që po ashtu kanë mbetur të vdekur, e që lajmi ka prekur shumë persona të afërt, bashkëlojtarë e yjet të tjerë të basketbollit.

Ish-ylli i NBA dhe ish-bashkëlojtari i te Lakers Shaquille O’Neal ka reaguar në llogarinë e tij në Instagram.

Lexo po ashtu Fansat vërshojnë profilin e përdoruesit, i cili e parashikoi vdekjen e Bryant me helikopter në vitin 2012

“Nuk ka fjalë që mund ta përshkruaj dhimbjen që po kaloj tani në këto momente tragjike dhe pikëlluese të humbjes së shokut tim, vëllait tim, partnerit tim që fituam tituj, shoku im”, ka shkruar ai më tej në postimin prekës.

Lexo po ashtu Kobe Bryant humb jetën në një aksident me helikopter

Tjetër ish-lojtar i Lakers që ka reaguar për vdekjen e legjendës është edhe, Karrem Abdul-Jabbar.

“Shumë persona do ta kujtojnë Kobe për një atlet të mrekullueshëm dhe që ka inspiruar shumë gjenerata të basketbollit, Por, unë gjithmonë do ta kujtojmë atë si një njeri që ishte më shumë se atlet”, ka shkruar ai në llogarinë e tij në Twitter.

“Jooooo, Zot të lutem jo!, ishte shkrimi i ish-lojtarit të Miami Heat, Dwayne Wade. Ndërsa Ja Morant ka shkruar: “Kjo dhemb”. /Telegrafi/