Në media, sot është riaktualizuar “Lista e zezë”, që përshkruan emrat e politikanëve apo personave tjerë, shtetas të Kosovës, të cilëve u ndalohet hyrja në Shtetet e Bashkuara të Amerikës.
Në mesin e atyre që iu ndalohet hyrja në SHBA është edhe kryetari i Drenasit, Ramiz Lladrovci, i cili ka një përgjigje origjinale ndaj kësaj liste.
Ai në rrjetin social ka publikuar foton në Ambasadën e ShBA-së në Shqipëri, së bashku me ish-ambasadorin Alexander Arvizu, para ambasadës amerikane.
Hapësira e ambasadës, konsiderohet si pjesë e sovranitetit të atij shteti.
“Miqësia e ShBA-së ishte, është dhe mbetet me rëndësi historike dhe vlerë për kombin tonë.
Përjetë falënderues, gardianit të lirisë në botë, popullit amerikan që u kujdes për ngadhënjimin e të drejtës tonë për liri dhe shtet”, ka shkruar Lladrovci. /Telegrafi/
