Një video e publikuar në internet tregon momentin kur një djalë 12-vjeçar pati një takim të ngushtë me një arushë dhe për befasi, u përball me situatën në mënyrë perfekte.
Sipas medieve të huaja, përcjell Telegrafi, i riu ishte duke shëtitur me familjen e tij në komunën Sporminore në Trentino, Itali, kur ai u ndesh me një kafshë të egër.
Siç bëhet e ditur, djali arrin të mbetet i qetë pasi nëna e tij dhe i dashuri i saj i thonë të mos frikësohet.
Kështu, ai ecën me nervozizëm poshtë kodrës ndërsa kafsha qëndron metra pas tij.
Pas udhëzimeve, djali ecën drejt familjes së tij, duke bërë sa më pak lëvizje të jetë e mundur.
Ndërsa djali kthehet të sheh ariun, ai qëndron në këmbët e tij të pasme dhe djali bën thirrje për nënën e tij përpara se kafsha të kthejë vëmendjen e tij në një kaçubë aty pranë.
Videoja u postua në internet dhe njerëzit kanë lavdëruar djalin për trimërinë e tij. /Telegrafi/
