Ministri i Kulturës, Rinisë dhe Sportit, Kujtim Gashi ka reaguar me anë të rrjeteve sociale pas votimit të ligjit për sponzorimzim.
Kuvendi i Kosovës ka votuar sot (e enjte) pro kalimit të ligjit për harmonizimin e Ligjit për të ardhura në korporata me Ligjin për sponsorizim.
Ky ligj u votua nga 76 deputet, ku 74 ishin pro dhe dy kundër, ndërsa pas votimit ka reaguar edhe ministri Kujtim Gashi.
Postimi pa ndërhyrje i ministrit Kujtim Gashi:
Saga e Sponsorizimit u kry! Deputetët e Kuvendit të Republikës së Kosovës votuan për harmonizimin e Ligjit për të ardhura në korporata me Ligjin për sponsorizim.
Kështu, nga sot, me fillimin e zbatimit e ligjit në fjalë, do të mundësohet që rreth 30 milion euro të sponsorizohen brenda një viti për zhvillimin e sportit, rinisë, artit e kulturës.
Implementimi i Ligjit për Sponsorizim do të thotë, sport më cilësor, prezantim më i suksesshën i sportistëve në arenën ndërkombëtare e kësisoj promovim i mëtejmë i Kosovës ndërkombëtarisht, më shumë medalje për sportistë e më shumë çmime ndërkombëtare për artistë.
Me të marrë drejtimin e MKRS-së kemi hartuar Rregulloren përkatëse, Komisionin për vërtetimin e sponsorizimit, si dhe kemi lëshuar vërtetimet e para për disa donatorë, pra kemi përfunduar paraprakisht të gjitha obligimet që dalin nga ligji përkatës.
Faleminderit kryetarit Kadri Veseli dhe deputetëve për votën e tyre, urime të rinjve, sportistëve dhe artistëve! KG
/Telegrafi/
