Prezantuesja nga Shqipëria, Arbana Osmani, vazhdon të jetë një personazh mjaft i ndjekur në rrjetet sociale.
Duke qenë se vetëm në Instagram numëron hiç më pak se 540 mijë njerëz, ajo ndan me fansat imazhe dhe video të ndryshme, së cilës nuk i mungojnë as njoftimet nga përditshmëria e saj.
Këtë herë, përmes një imazhi të ndarë me ndjekësit ajo tregon se nga 15 janari do të fillojë me sezonin e ri të emisionit “Dua të të bëj të lumtur”.
“Mezi po pres të shihemi bashkë nga 18 Janari në Top Channel, ku heronjtë e vërtetë do të jeni si gjithmonë ju”, është përshkrimi që moderatorja shqiptare ia ka vënë fotos.
Në po të njëjtën fotografi, Osmani u ofendua nga një ndjekës duke i thënë të bëjë ndonjë operacion plastik. “Je plakur shumë futja ndonjë botox”, shkruan ajo, ndërsa nuk mungoi një replikë e moderatores shqiptare.
“Jo, mirë jam thjesht s’kam vënë filtrat e bukurisë së përjetshme”.
Ndryshe, Arbana muaj më parë publikoi librin e dytë me receta gatimi “5 minuta”, duke shënuar një tjetër sukses të sajin në karrierë. /Telegrafi/