RIlindja Demokratike Kombëtare (RDK) e cila është pjesë e koalicionit Aleanca për Shqaiptarët, sot kanë mbajtuar mbledhje të kryesisë partiake për të diskutuar rreth situatës së fundit politike në vend, dhe vendimeve konkrete që duhet ndërmarr në periudhën në vazhdim. Nga RDK theksojnë se gjithmonë do të e njofton Telegrafi Maqedoni.
“Në drejtim të këtij kontributi konstruktiv, RDK ka treguar një sjellje të qëndrueshme ndaj Platformës shqiptare, si një arritje e madhe për bllokun politik shqiptarë, dhe për këtë arsye vendosi që të jep nënshkrimin e saj si RDK, në kuadër të koalicionit Aleanca për shqiptarët, për realizimin e Platformës shqiptare. RDK është e vetëdijshme se shqiptarët në këtë vend kanë mungesa të mëdha fundamentale, por Platforma shqiptare është një fillim i mbarë i një arritje të madhe dhe për këtë arsye do të mbështet me nënshkrimin e saj, marrjen e mandatit për formimin e qeverisë, me qëllim të realizimit të plotë të Platformës shqiptare”, thuhet në kumtesën e RDK-së.
Më tej ata shtojnë se e kaluara e veprimit politik të forcave të ndryshme destruktive mbrenda partive politike maqedonase dhe shqiptare kanë dëshmuar destruktivitet në zgjidhjen e krizës politike nëpërgjithësi dhe formimin e qeverisë në veçanti, prandaj kërkohet vigjilencë dhe konstruktivitet të jashtëzakonshëm nga të gjitha forcat progresive në vend me qëllim që vendit t’i kthehet normaliteti./Telegrafi/