RB Leipzig është duke i magjepsur të gjithë.
Skuadra që erdhi nga Bundesliga 2 nuk po njeh kundërshtarë në Bundesligë.
Sonte shënuan fitore ndaj Freiburg (3-1) dhe tani janë me 30 pikë, gjashtë më shumë se Bayern Munich.
Ata janë skuadra e parë që janë futur në Bundesligë dhe nuk kanë humbur në 12 ndeshjet e para sezonale.
- RB Leipzig kanë tubuar 17 pikë si mysafirë, më shumë se çdo skuadër tjetër në Evropë në top pesë ligat e mëdha.
- RB Leipzig është njëra nga dy skuadrat që ka shënuar në çdo ndeshje gol në top pesë ligat e mëdha në Evropë. Skuadra tjetër është Real Madridi.
- Asnjë skuadër nuk ka shënuar më shumë gola se Leipzig këtë sezon në Bundeliga (26).
- Është skuadra e vetme në top pesë ligat më të mëdha evropiane që i ka fituar shtatë ndeshje radhazi.
- Asnjë lojtarë nuk ka dhënë më shumë asistime se Emil Forsberg, gjithsej 7, në top pesë ligat më të mëdha në Evropë.
- Sulmuesi Timo Werner ka shënuar 6 gola në kampionat. Asnjë sulmues U-21 nuk ka shënuar në shumë në Evropë në këtë moshë në top pesë ligat.
Sa do të zgjasë mrekullia Leipzig mbetet të shihet, por tifozët e skuadrave tjera të Bundeligës kanë filluar të frikësohen. /Telegrafi.