Muzicient, producent, DJ, kitarist, promoter e po ashtu entuziast i muzikës elektronike, Labinot Sadiku (LAB.S) përshëndet nga Prishtina.
Ai është rritur me kombinimin elektrik të muzikës së xhaxhait të tij si disco funk (Marvyn Gaye,Prince, Donna Summer), asaj elektronike evropiane (Kraftwerk, Daft Punk), dhe muzikën“synth-infused” të viteve 80-ta (Depeche Mode, Gary Numan).
Gjatë shumë viteve duke performuar në lokalet, kafenetë dhe klubet më të njohura në Prishtinë, me mjaft residenca, dhe duke performuar në evente dhe shfaqje të ndryshme, LAB.S ka pasur mundësi t’i zhvillon tingujt e muzikës së tij.
Për të gjithçka sillet rreth ndjenjës së thellë, melodike, hipnotike, këngë të cilat të bëjnë të lëvizësh këmbët dhe të lëvizësh kokën pa e vërejtur fare, pavarësisht zhanrit, tempos, apo stilit. Mos u çuditni nëse e shihni vetën tuaj duke kërcyer!
Muzika elektronike është terapia e tij. E lejon ta lë mbrapa stresin. I pëlqen të humb në muzikë dhe të përjetoj ndjenjën e hareshme të cilën e zgjon në gjoksin e tij. I pëlqejnë goditjet që i diktojnë lëvizjet e këmbëve.
“Purveyor of deep, organic dance grooves and a feel-good atmosphere”
Labinot Sadiku (LAB.S)
Këtë të shtunë në orën 21:00 mund ta ndiqni përfomansen e LAB.S live në RaveTravel dhe në Telegrafi Events në fan pages.
