Menaxheri i Real Madrid Castilla, Raul Gonzalez duket se do të largohet nga klubi mbretëror pas më shumë se katër vitesh në këtë rol, pas një bisede kyçe me drejtuesit. Villarreali është në kërkim të një trajneri të ri dhe takimet janë planifikuar për sot (e premte) për të zgjidhur çështjen.
Sipas mediumit Cadena SER, Raul është i gatshëm të pranojë ofertën e Villarrealit, nëse ajo të zyrtarizohet.
Ai do të takohet me presidentin e Villarrealit, Fernando Roig, dhe gazeta Marca konfirmon se ndërsa ai ka pasur oferta të shumta më parë, kjo është hera e parë që Raul duket afër largimit nga Bernabeu.
Arsyeja kryesore thuhet se është se Real Madridi i ka thënë atij se nuk do të jetë pasardhësi i Carlo Ancelottit. Italianit i skadon kontrata verën e ardhshme dhe shumë presin që ai të largohet nga klubi më pas.
Për disa kohë, Raul ishte lidhur me punën e trajnerit të ekipit të parë te Real Madridi, por së fundmi emri i tij ka rënë në fund të listës së ngushtë, me Florentino Perez që duket se favorizon menaxherin e U-19, Alvaro Arbeloa, para tij.
Villarreal and Raul will discuss today in order to make final decision over managerial job. Real Madrid, open to letting him go in case Raul wants to accept 🟡🇪🇸
Discussions will follow waiting for Villarreal to decide on Quique Setién replacement. pic.twitter.com/nQvFc2iItI
— Fabrizio Romano (@FabrizioRomano) September 8, 2023
Duket sikur, ndryshe nga Zinedine Zidane, Raul do të duhet të dalë gjetiu dhe të bëjë emrin e tij në menaxhim nëse dëshiron të sigurojë pozitën numër një në Santiago Bernabeu.
Raul është konsideruar kryesisht se ka pasur një periudhë të suksesshme në Castilla, edhe pse në fund të fundit nuk ka arritur ta promovojë atë në nivelin e dytë të futbollit spanjoll. /Telegrafi/