Mesfushori kosovar, Milot Rashica ka vazhduar me formën e mirë në kampionatin holandez.
Ylli i Vitesses ishte titullar si gjithnjë për skuadrën e tij, ku u përballën me Groningenin në udhëtim.
Vendasit kaluan të parët në epërsi vetëm pas pesë minutave lojë.
Ndërkohë në pjesën e dytë, Rashica bëri gjithçka mirë duke depërtuar nga krahu i djathtë dhe asistoi bukur tek Navarone For i cili shënoi golin e barazimit.
Asistimi në këtë ndeshje bëri që Rashica të shpallet futbollisti më i mirë në ndeshje me notë (7.6) sa kishte edhe qendërmbrojtësi i Vitesses, Maikel Va nder Werff.
Pas kësaj pike të fituar, Vitesse ngjitët në pozitën e shtatë në tabelë me 27 pikë të tubuara, ndërkohë që javën e ardhshme do të luaj si vendas me AZ Alkmaar. /Telegrafi/