Përfaqësuesja e Kosovës e mbylli me rezultat pozitiv ndeshjen e parë në një garë zyrtare dhe natyrisht se kjo i ka gëzuar të gjithë.
Në udhëtimin në Finlandë, të zgjedhurit e Albert Bunjakut barazuan me rezultat 1-1, ndërsa e merituan edhe ta fitonin ndeshjen.
Pas takimit, Milot Rashica, ka deklaruar se Kosova ka cilësi për të grumbulluar sa më shumë pikë në kuadër të Grupit I.
Mesfushori i Vitesses pohon se me lojë të mirë mund të vijnë edhe rezultatet dhe përfaqësuesja mund të kualifikohet në Kampionatin Botëror.
Për të shkuar në Rusi në vitin 2018, Kosova duhet të tregohet më e mirë se kundërshtarët, si Kroacia, Turqia, Islanda, Ukraina dhe Finlanda.
