Milot Rashica është duke kaluar nëpër një formë fantastike këtë edicion në Bundesliga.
Sulmuesi i Përfaqësueses së Kosovës dhe Werder Bremenit ka arritur të shënoj tetë gola dhe të dhurojë tre asistime në Bundesliga.
Muaji mars ishte i jashtëzakonshëm për Milotin, pasi shkëlqeu si në kampionat ashtu edhe në Kupën e Gjermanisë, ku goli i tij e eliminoi Schalke 04 dhe i siguroi skuadrës së tij gjysmëfinalen e Kupës.
Reprezentuesi kosovar tani është në garë për çmimin e madh nga FIFA si lojtari i muajit në Bundesliga.
Përveç Rashicës në garë janë edhe bashkëlojtari i tij Max Kruse, dy yjet e Bayernit, Robert Lewandowski dhe James Rodriguez, serbi i Eintracht Frankfurt, Filip Kostic si dhe Marcel Halstenberg i RB Leipzig.
Votimi është i hapur dhe kanë të drejtë vote të gjithë.
Për ta votuar Rashicën, duhet të klikoni KËTU. /Telegrafi/
