Rashford duket se konfirmon transferimin e Sanchos në Manchester United me një postim në rrjetet sociale

Marcus Rashford mund të ketë konfirmuar se shoku i tij i skuadrës te Kombëtarja e Anglisë, Jadon Sancho, së shpejti do të bashkohet me të në Manchester United.

Sancho ka kohë që është lidhur me një lëvizje në Old Trafford, dhe megjithëse United humbi yllin e Borussia Dortmund vitin e kaluar, një transferim duket se po afrohet këtë verë.

Djajtë e Kuq e kanë prioritet yllin anglez dhe tashmë kanë dërguar disa oferta drejt Dortmundit dhe transferimi i tij thuhet se është shumë afër të përfundoj.

Lexo po ashtu Sancho iu ka treguar tashmë shokëve të kombëtares së Anglisë se ai do të transferohet te Man Utd

Një transferim të Sanchos te Unitedi duket se e ka konfirmuar edhe sulmuesi i Djajve të Kuq, Rashford.

Në një bashkëbisedim me një tifoz në Twitter, Rashford ka pohuar transferimin e Sanchos në Old Trafford.

“Prezanto Sanchon, Marcus”, ishte kërkesa e një përdoruesi të rrjeteve sociale, ndërsa Rashford iu përgjigj thjesht: “Po x”. /Telegrafi/