Një numër gjykatash në zonën e Zagrebit, Varazhdinit, Dubrovnikut, Splitit, Pulës në Kroaci kanë marrë njoftime për bomba.
Si pasojë, atje tanimë ekziston një proces evakuimi, shkruajnë mediat e huaja, përcjell Telegrafi.
Dhe një njoftim i tillë dyshohet se ka mbërritur edhe në Qeverinë e Republikës së Kroacisë, shkruan mediumi kroat Index.hr.
Përveç mediumit në fjalë, rreth këtij lajmi kanë raportuar edhe media të tjera kroate, sipas të cilave, institucionet shtetërore dhe gjykatat në të gjithë Kroacinë po evakuohen për shkak të kërcënimeve me bombë.
Dhe Jutarnji List mëson se Qeveria e Republikës së Kroacisë është e para në listën e të informuarve për bombën kërcënuese.
Policia e Zagrebit konfirmoi të hënën se vetëm për gjysmë ore në mëngjes është njoftuar për vendosjen e mjeteve shpërthyese në disa lokacione në Zagreb dhe po kryhen kontrolle dhe procedura për të përcaktuar nëse raportimet janë të rreme. /Telegrafi/