Një ish-zyrtar i lartë i inteligjencës kombëtare ka lënë të kuptohet se një raport i ardhshëm qeveritar mbi jashtëtokësorët do të përfshijë informacione që nuk mund të shpjegohen lehtë.
“Ka raste kur nuk kemi shpjegime të mira për disa nga gjërat që kemi parë, dhe kur ky informacion të deklasifikohet, unë do të jem në gjendje të flas edhe pak më shumë për këtë”, citohet të ketë thënë ish-drejtori i Inteligjencës Kombëtare, John Ratcliffe, shkruan USA Today, përcjell Telegrafi.
Ratfcliffe tha se disa vëzhgime të UFO-ve janë deklasifikuar në të kaluarën, por një raport që do të dalë nga Pentagoni dhe agjencitë e tjera federale do t’i paraqesin më shumë informacion popullit amerikan.
“Ka pasur vëzhgime në të gjithë botën”, tha Ratcliffe. “Dhe kur flasim për këtë, gjëja tjetër që do t’ju tregoj, nuk është vetëm një pilot ose thjesht një satelit ose ndonjë koleksion i inteligjencës. Zakonisht, ne kemi sensorë të shumtë që po kapin këto gjëra”.
Wow. Maria Bartiromo gets former DNI John Ratcliffe to talk about UFOs ahead a deadline for the government to disclose what it knows about them…
"Usually we have multiple sensors that are picking up these things…there is actually quite a few more than have been made public" pic.twitter.com/qu4VlzrZw1
— Daniel Chaitin (@danielchaitin7) March 19, 2021
Maje Ratcliffe ka thënë se elementet që janë të vështira për t’u shpjeguar në këto pamje të papublikuara më parë përfshijnë lëvizje që është e vështirë për t’u “kopjuar” ose udhëtime me shpejtësi që tejkalojnë atë të zërit pa krijuar një bum zëri.
Sipas NewYorkPost, një raport i ri i Pentagonit do të detajojë gjithashtu çdo kërcënim që paraqitet nga fenomenet ajrore dhe nëse “kundërshtarët e huaj” dyshohet se i kontrollojnë ato. /Telegrafi/