Gjatë takimit, Dr. Lüeth ia dorëzoi Ministrit Beqiri raportin shkencor mbi hulumtimet gjeofizike në Lokalitetin Arkeologjik “Ulpiana”, të cilat janë bërë në bazë të Memorandumit të Bashkëpunimit, të nënshkruar në muajin shkurt të vitit 2008 nga Ministria e Kulturës, Rinisë dhe Sportit të Republikës së Kosovës dhe Institutit Arkeologjik të Frankfurtit (Gjermani).
Incizimet kanë përfshirë më se 25 % të sipërfaqes të këtij lokaliteti dhe të gjitha investimet janë mbështet nga ky institut.
Me këtë rast, dr. Lüet, e njoftoi Ministrin Beqiri me mundësinë e sigurimit të Sofware –it, GIS (Sistemi Gjeografik Informues) nga ky institut, i cili, do të mundësonte integrimin e bazës së të dhënave të trashëgimisë arkeologjike për krijimin e digjitalizimit të hartës arkeologjike të Kosovës.
Ministri Beqiri ndërkaq ka theksuar se MKRS do të mbështes çdo nismë për avancimin e punëve të mëtejme në realizimin e programit të plotë të hulumtimeve arkeologjike. /Telegrafi/