Rangers janë të interesuar dhe kanë filluar bisedimet me Hibernianin për sulmuesin shqiptar Florian Kamberi.
Sulmuesi 24-vjeçar ka shënuar tetë gola në të gjitha garat për Hibernian këtë sezon.
Menaxheri i Rangers, Steven Gerrard është në kërkim të një sulmuesi, pasi Jermain Defoe ka pësuar një dëmtim në ndeshjen e fundit ndaj Ross Countyt.
Klubi i madh skocez e do në huazim sulmuesin, por me mundësi për të blerë në fund të edicionit.
Ndërkohë edhe një sulmues e ka lënë klubin, pasi Eduardo Herrera, ka kaluar te Club Puebla.
Kameri së fundmi është pajisur me pasaportë shqiptare dhe nga ndeshjet e ardhme do të luajë për kombëtaren kuqezi. /Telegrafi/