Aaron Ramsey ka pranuar se Juventusi po argëtohet më shumë duke u stërvitur nën drejtimin e Andrea Pirlos dhe se i pëlqen të luajë për Bianconerët.
Zonja e Vjetër e nisi me fitore prej 3-0 ndaj Sampdorias sezonin e ri në Serie A, ndërsa mesfushori ofensive ishte njëri prej më të mirëve në fushë.
“Kemi trajner të ri, staf të ri, ide të reja dhe lojtarët janë shumë të përfshirë. Mendoj se po argëtohemi më shumë se vitin e kaluar”.
“Seancat stërvitore janë të vështirë, por ka edhe kënaqësi”, ka deklaruar uellsiani për Sky Sport Italia.
Juventusi është në kërkim të Scudettos së dhjetë radhazi këtë sezon, ndërsa Ramsey konsideron se ka shumë konkurrencë këtë sezon, duke përmendur skuadrat e mira të Interit, Napolit dhe Milanit. /Telegrafi/
