Ramos vendos rekord botëror në fitoren e Spanjës gjatë kualifikimeve të ‘Euro 2020’

Sergio Ramos ka shtuar edhe një tjetër sukses mbresëlënës ndaj trashëgimisë së tij në rritje, pasi ka thyer një rekord botëror në fitoren e Spanjës 4-1 ndaj Ishujve Faroe.

Kapiteni 33-vjeçar i Real Madridit ka arritur të lërë pas vetes emra të mëdhenj të futbollit, pasi deri më tani ka shënuar 122 fitore në 164 paraqitje për vendin e tij.

Ish-bashkëlojtari i Ramosit te madrilenët dhe Spanja, Iker Casillas (121) e mbante rekordin më parë, por tani është mbrojtësi spanjoll që e mban atë.

Prapa portierit dhe mbrojtësit spanjoll janë legjendat e Barcelonës, Xavi Hernandez dhe Andres Iniesta me nga 100, respektivisht 96 fitore.

Lexo po ashtu Të gjitha lajmet nga Sergio Ramos

Madje, Ramos ka arritur ta kalojë edhe Cristiano Ronaldon që realizoi het-trik ndaj Zvicrës në Ligën e Kombeve, gjersa ka 92 fitore për vendin e tij.

Mbrojtësi spanjoll së fundmi ka arritur të shënojë gjashtë gola në shtatë paraqitje për Spanjën, duke qenë lojtari më efektiv për kualifikimet në Euro 2020 për Furinë e Kuqe. /Telegrafi/