Dardan Berisha ka vendosur të rikthehet në qytetin e tij, Pejë.
KB Peja tanimë e ka zyrtarizuar basketbollistin më të mirë kosovar dhe pritet të jetë njëri nga kandidatët kryesor për titullin e kampionit.
E për rikthimin e Dardanit në Pejë është shprehur shumë i lumtur edhe njëri nga sponsorët kryesor të klubit, Ramiz Kelmendi.
Ish-deputeti i Kuvendit të Kosovës dhe pronar i ‘Elkos Group’, ka thënë se rikthimi i Dardanit ishte nevojë për Pejën.
Shkrimi i plotë i Ramiz Kelmendit:
Si Sponsor dhe mbështetës i KB ‘Peja’, Kompania ‘Elkos Group’ ka premtuar që nga fillimi i bashkëpunimit se do të jetë në mbështetje të fuqishme të rimëkëmbjes së Pejës, nën naim dhe moton Peja – Qytet i Basketobollit dhe në të njejtën kohë duke ndikuar në ngritjen e përgjithshme të cilësisë së basketbollit kosovar qoftë në arenën vendore qoftë atë ndërkombëtare.
Në këtë kuadër, nga sot tek KB ‘Peja’ rikthehet basketbollisti më i mirë i Kosovës Dardan Berisha.
Rikthimi i Dardanit normalisht që ishte nevojë imediate për klubin, fushën e parketit por kjo prurje le të jetë një përmbushje përballë lojtarit të gjashtë të KB ‘Peja’, ‘Shqiponjave’ që çdoherë mbeten të pakontestueshëm për sukseset e klubit.
Dardani po kthehet në shtëpinë e vet dhe na pritë e mbara!
Me respekt;
Ramiz Kelmendi
/Telegrafi/