Drita ka ngecur në garën për titull, pas barazimit 1-1 në udhëtim te Dukagjini në kuadër të javës së 31-të në Albi Mall Superligën e Kosovës.
Trajneri Zekirija Ramandani ka thënë se atyre po u mungon një idiotësi në fushë për të ndryshuar gjërat.
“Ndoshta e keqe ta thuash, por na mungon një ‘idiotësi’ në fushë. Nuk është turp të bësh gjithçka duke arritur qëllimin. Edhe qëllimin lëmë prapa duke qenë korrekt”, ka thënë ai fillimisht për ArtSport.
“Çdo hap prapa është i rrezikshëm, por ne do të luftojmë për të siguruar Evropën. Duhet të luftojmë për vendin e parë mund të arrihet Evropa”.
“Kjo është hera e dytë që na ndodhë. Në Suharekë, Ballkani na barazoi rezultatin në minutat shtesë dhe kjo është hera e dytë. Janë shenja që diçka na mungon”.
“Nuk jemi të gatshëm me atë që ne dëshirojmë. Futbollistët dhanë maksimumin. Të luash ndaj Dukagjinit nuk është e lehtë pas asaj ndeshje me Prishtinën”.
“Nuk ia lë fajin askujt. Fajin ia lë fajin vetes dhe më vjen keq për mundin e harxhuar deri më sot. Futbolli është i vështirë për t’u menaxhuar.
“Dëgjova drejtuesit e skuadrës që thanë se duhet të jemi bashkë dhe të vazhdojmë deri në fund. Kjo humbje e pikëve është me e rëndësishme se eliminimi nga Kupa”, ka shtuar më tej trajneri i Dritës. /Telegrafi/