Zëvendësministri i FSK-së, Burim Ramadani ka përshëndetur kalimin e ndryshimeve kushtetuese në Parlamentin e Maqedonisë në lexim të parë, pas së cilës Maqedonia do të ndryshojë emrin në “Republika e Maqedonisë Veriore”.
Përmes një shkrimi të shkurtër në Facebook, Ramadani e ka quajtur lajm të madh për tërë rajonin.
Më tej, numri dy i MFSK-së thekson se Kosova me këtë rast do të bëhet anëtare e 31-të i NATO-s.
“Maqedonia në NATO është në interes të sigurisë rajonale. Jam i lumtur për vendimin e Parlamentit të Maqedonisë për ndryshimet kushtetuese. Ballkani nuk ka zgjidhje tjetër më paqësore sesa hyrja në NATO. Kosova do të jetë vendi i 31-të i NATO-s. Kjo është rruga jonë e përbashkët”, ka shkruar Ramadani në Facebook.
Ndryshe, pas disa ditëve diskutim në Kuvend, dhe një referendumit të dështuar, sot deputetët vendosën që kjo marrëveshje të kalojë me vota 80 vota”për”, 39 “kundër” dhe asnjë i përmbajtur, njofton Telegrafi.