Qeveria e Shqipërisë është tërhequr nga projekti për riciklimin e mbetjeve, duke e futur për diskutim në Parlament dekretin e ish-Presidentit Nishani.
Në mbledhjen e grupit të Partisë Socialiste, Rama tha se ky vendim u mor jo se ata që e kundërshtojnë kanë të drejtë, apo ish-presidenti ka të drejtë, por është e drejtë e publikut që të mirëinformohet.
“Sa i përket çështjesh së dekreteve, ne do të mbajmë një qëndrim siç e kemi shprehur në respekt të procedurës së kuvendit të Shqipërisë dhe do të tërhiqemi nga projekti, si i tillë në këtë fazë pasi besojmë jo që ata që e kundërshtojnë projektin kanë të drejtë, jo se presidenti i mëparshëm që ktheu projektin ka të drejtë por është e drejta e të gjithë qytetarëve që të jenë të mirinformaur për këtë projekt”, tha ai.
Sipas Ramës, për projektin e riciklimit të mbetjeve nuk ka të bëjë asgjë me gjithë spekulimet dhe manipulimet për agjenda politike apo tërësisht pa lidhje me agjendën e integrimit të vendit. /Telegrafi/