Kryeministri i Republikës së Shqipërisë, Edi Rama ka uruar qytetarët për nder të 15 vjetorit të Pavarësisë së Kosovës.
Rama përmes një statusi në rrjetin social në Facebook ka shkruar “Gëzuar Pavarësia”.
Rama urimit të tij ia ka bashkangjitur dhe një foto në të cilën shihet një vajzë me flamurin e Kosovës duke e valëvitur në qiell.
Ndryshe, sot bëhen 15 vjet që kur Kosova u shpall shtet i pavarur. Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. /Telegrafi/
