Kryeministri i Shqipërisë, Edi Rama, ka njoftuar se është takuar me shefen e UNMIK-ut në Kosovë, Caroline Ziadeh, duke thënë se ka mbesa pozitive nga ky takim.
Ndonëse nuk ka bërë të ditur se ku është takuar me shefen e UNMIK-ut, kryeministri shqiptar Edi Rama, ka thënë se për Shqipërinë UNMIK-u e ka përfunduar misionin në Kosovë, por në të njëjtën kohë thotë se “dialogu e ndërveprimi me zonjën [Ziadeh] dhe ekipin e saj kanë veç dobi për Kosovën”.
“I mbresuar shumë pozitivisht nga shefja e re e UNMIK-ut Caroline Ziadeh. Për ne UNMIK-u e ka mbaruar misionin në Kosovë dhe ky qëndrim i yni do të shprehet qartë edhe në Këshillin e Sigurimit. Por ndërkohë dialogu e ndërveprimi me zonjën dhe ekipin e saj kanë veç dobi për Kosovën”, ka shkruar Rama në Twitter, transmeton Telegrafi.
I mbresuar shumë pozitivisht nga shefja e re e UNMIK-ut Caroline Ziadeh. Për ne UNMIK-u e ka mbaruar misionin në Kosovë dhe ky qëndrim i yni do të shprehet qartë edhe në Këshillin e Sigurimit.Por ndërkohë dialogu e ndërveprimi me zonjën dhe ekipin e saj kanë veç dobi për Kosovën. pic.twitter.com/H9nIQ9ZyU0
— Edi Rama (@ediramaal) September 7, 2022
Përfaqësuesi i Shqipërisë në Këshillin e Sigurimit të OKB-së, Ferit Hoxha, në prill të këtij viti, në mbledhjen e KS-së ku diskutohej për Kosovën, ka thënë se OKB-ja duhet të rishikojë misionin e UNMIK-ut në Kosovë, pasi që ajo nuk ka çfarë shërben më atje. /Telegrafi/