Kryeministri i Shqipërisë, Edi Rama ishte mes të rinjve, në çeljen e kampit veror të Partisë socialiste në Jalë, ku merrnin pjesë qindra të rinj nga e gjithë Shqipëria, nga të cilët 285 garues të fazës së dytë të FRESSH VOICE, si dhe të tjerë aktivistë të forumit.
Gjatë fjalës së tij para të rinjve, Rama ka folur edhe për rritjen ekonomike, duke thënë se e morëm vendin me rritje 0% dhe po e çojmë drejt 4%, por prapë tha si, mos prisni rroga 800 euro në muaj, nuk ka magji.
Në videon e shpërndarë nga Kryeministria, ndër të tjera bëjnë përshtypje edhe dy elementë gjatë fjalimit të Ramës.
E para kryeministri “u mbyt” në djersë para të rinjve dhe e dyta, ishte një mizë që gjatë gjithë kohës vinte rrotull mikrofonit duke i krijuar bezdi. Për më shumë shihni pamjet.
Rama me te rinjte PS ne kampin veror ne Jale by lapsi-al
