Edi Rama në grupin parlamentar të PS, ka komentuar ndër të tjera edhe audiopërgjimin e vëllait të ministrit Fatmir Xhafaj. Ndër të tjera Rama ka treguar se për sa i përket këtij audiopërgjimi, ka kërkuar një ekspertizë ndërkombëtare për të provuar vërtetësinë e atij materiali.
“Paralelisht, me kërkesën e menjëhershme të kryetarit të grupit parlamentar, për hetimin e audiopërgjimit të publikuar nga Opozita, e cila garanton autencitetin e saj, unë kam kërkuar një ekspertizë ndërkombëtare, për mbledhjen e çdo informacioni, dhe çdo indice, për materialin ku përfshihet vëllai i ministrit të brendshëm”, u shpreh kryeministri
Rama në fjalën e tij ka theksuar më së shumti faktin që është ndryshe nga Opozita, dhe se mban përgjegjësi për veprimet e partisë së tij dhe për veten. /Opinion.al /Telegrafi/