Pas deklaratave të kryetarit të LSI-së Edi Rama rreth një qeverie të besimi edhe kryeministri Edi Rama i ka zbutur qëndrimet. Ai ka thënë se është i gatshëm për diskutime me Partin Demokratike për zgjedhjen e problemeve.
“E vlerësoj përpjekjen e bashkëkryetarit të koalicionit qeverisës, Ilir Meta, për të kërkuar një zgjidhje që kënaq Partinë Demokratike. Edhe unë kam qënë dhe mbetem i gatshëm për çdo zgjidhje që e lehtëson Partisë Demokratike rrugën për t’u kthyer në Kuvend; votuar Vetingun; vazhduar betejën e vet politike në shinat e Kushtetutës e të ligjshmërisë dhe garantuar bashkë me ne, që zgjedhjet e 18 qershorit të jenë më të lirat e më të ndershmet të zhvilluara ndonjëherë në Shqipëri”, ka shkruan kryeministri Rama në profilin tij në Facebook.
Për kreun e qeverisë nëse PD kërkon diskutim serioz është i gatshëm të ulet për të diskutuar, “qoftë edhe në çadër po të jetë nevoja”.
“Nëse Partia Demokratike kërkon një diskutim serioz me ne, jam i gatshëm të ulemi për të diskutuar, që sot, edhe në çadër po të jetë nevoja. Dialogu ka qenë e mbetet gjithnjë zgjedhja ime e parë dhe unë kam qenë e jam i hapur për çdo kërkesë apo zgjidhje, që nuk cenon Kushtetutën e nuk i bie ndesh standardeve demokratike. Kushtetuta jonë është shumë e qartë – zgjedhjet duhet të mbahen në 18 qershor. Kushtetuta është shumë e qartë – qeveria është vullnet i shumicës. Nëse biem të gjithë dakord me Kushtetutën, unë jam i bindur se mund të biem dakord për gjithçka tjetër”, përfundon Rama. /Telegrafi/
