Site icon Telegrafi

Rama: Me fillim të viti 2025, kemi ndërmarrë një hap të rëndësishëm në decentralizimin e shërbimeve komunale

Kryetari i Prishtinës, Përparim Rama ka njoftuar se kanë ndërmarrë një hap të rëndësishëm në decentralizimin e shërbimeve komunale.

Rama thotë se brenda muajit ky proces ka marrë formë dhe po tregon rezultatet e veta të prekshme çdo ditë.

“Jemi krenarë të ndajmë me ju sukseset e hershme të decentralizimit që po bëjnë ndryshimin në jetën e qytetarëve tanë. Ja disa nga rezultatet e raportit të parë mujor që tregojnë punën e jashtëzakonshme që kemi bërë së bashku: Vërtetimet e Bashkësive Lokale: 3,305; Fakturat e Tatimit në Pronë: 870; Fakturat për Mbeturina: 960;Subvencionet e Shëndetësisë: 1,276;Subvencionet e Mirëqenies Sociale: 497; Subvencionet e Bujqësisë: 213”, shkruan Rama.

Tutje, ai ka pohuar se kjo do të thotë: 1830 qytetarë më pak në sportelet e Komunës për shërbimin e faturave;  1986 qytetarë më pak në sportelet për aplikime në subvencione për shëndetësi, mirëqenie dhe bujqësi.

“Ky është vetëm fillimi i një rruge të gjatë, por çdo hap na afron më shumë me qëllimin tonë për një administratë lokale më të përgjegjshme dhe shërbime më efikase për qytetarët”./Telegrafi/

 

Exit mobile version