Sevilla dhe Roma do të përballen në finalen e madhe të Ligës së Evropës më 31 maj në Budapest.
Skuadra spanjolle ka eliminuar Juventusin në gjysmëfinale, derisa Roma ka triumfuar ndaj Bayer Leverkusen.
Kapiteni i Sevillës, Ivan Rakitic ka folur për kalimin në finalen e madhe.
“Ishte një mbrëmje e mrekullueshme për ata që e duan futbollin. Një mbrëmje fantastike. Bëmë një përpjekje të madhe për t’ia dalë”.
“Në finale u kualifikua skuadra më e mirë. Edhe ata që nuk janë tifozë me ne dhe panë ndeshjen, u bënë disi tifozë me Sevillan. Nuk arrij ta shpjegoj dot lidhjen që ne kemi me këtë kompeticion. Në 15 vitet e fundit është krijuar një lidhje spektakolare”, tha Rakitic.
Mesfushori kroat foli edhe për Romën, ku është skuadra finaliste teksa ka thënë se ata kanë skuadra më të mëdha se Roma.
“Kundërshtar i fortë, por ne kemi eliminuar skuadra të tjerë të mëdha. Kemi treguar se mund të përballemi me të gjithë”, deklaroi Rakitic. /Telegrafi/