Ivan Rakitic ka folur pas fitores së Kroacisë në Ligën Kombëtare me rezultat 3-2 kundër Spanjës duke thënë se e merituan fitoren dhe ishte një rezultat i madh për ne.
Kroacia ka fituar në momentet e fundit ndaj Spanjës dhe me një fitore ndaj Anglisë shpreson ta përfundoj grupin si lider.
“Tifozët panë një ndeshje të mirë”, ka thënë fillimisht mesfushori i Barcelonës pas ndeshjes.
“Ne tentuam deri në fund dhe pritëm për atë gabim. Ai përfundimisht erdhi dhe të mposhtësh Spanjën është e mrekullueshme. Ajo jep shumë forcë”.
“Spanja gjithmonë mban peshën e një loje sepse ata pothuajse luajnë si një ekip që stërvit së bashku në baza ditore”.
“Ne prisnim momentin tonë. Patëm shanse ta bëjmë 3-1 dhe nuk ndodhi, por merituam fitore”.
“Jemi gëzuar shumë dhe është mirë të shohim tifozët këtu në stadium”.
“Mposhtja e Spanjës është një rezultat i madh për ne. Tani do të shkojmë në Wembley dhe të shohim nëse mund të përfundojmë të parët”, përfundoi Rakitic. /Telegrafi/