Një raketë e nisur nga Siria ka goditur rajonin e Izraelit në shkretëtirën Negev, duke alarmuar sirenat e sulmit ajror pranë reaktorit bërthamor shumë sekret të vendit, tha ushtria izraelite.
Në përgjigje të incidentit të së enjtes, Izraeli ka thënë se goditi raketën dhe objektiva të tjerë në Sirinë fqinje, shkruajnë mediat e huaja, përcjell Telegrafi.
Ushtria izraelite tha se raketa ra në rajonin Negev dhe sirenat e sulmit ajror u dëgjuan në një fshat afër Dimona, ku ndodhet reaktori bërthamor i Izraelit.
Nuk kishte asnjë fjalë nëse diçka ishte goditur, por për shpërthimin u raportua në të gjithë Izraelin.
Incidenti pranë reaktorit bërthamor Dimona, duke shënuar dhunën më serioze midis Izraelit dhe Sirisë në vite, tregoi përfshirjen e mundshme të Iranit.
Incoming rocket siren activated in southern Israel between Beersheba and Dimona. This is not a normal area for an incoming rocket attack https://t.co/cQ8rXNdrbb
— Anna Ahronheim (@AAhronheim) April 21, 2021
Irani, i cili mban trupa dhe përfaqësues në Siri, ka akuzuar Izraelin për një seri sulmesh në objektet e tij bërthamore, duke përfshirë një zjarr të fundit në objektin e tij bërthamor Natanz dhe u zotua për hakmarrje.
Siç vënë në pah mediat, sinjalizimet e sirenës zakonisht aktivizohen nga sulmet me raketa, veçanërisht ato nga Gaza.
Ndërkohë sipas Jerusalem Post, banorët nga i gjithë vendi, përfshirë Izraelin qendror dhe Jerusalemin, raportuan se dëgjuan “shpërthime të forta” që “tronditën shtëpitë”.
Ndërsa radioja ushtarake izraelite tha se shpërthimi pranë reaktorit bërthamor Dimona ishte shkaktuar nga një raketë siriane anti-ajrore që tejkaloi objektivin e saj.
Në anën tjetër, regjimi sirian ka thënë se mbrojtja e tij ajrore përgjoi sulmin izraelit.
Mbrojtja ajrore siriane përgjoi një sulm izraelit në drejtim të lartësive Golan, njoftoi media lokale, duke shtuar se sulmi ndodhi rreth orës 01:38 me kohën lokale dhe shënjestroi zonat në periferi të Damaskut.
“Mbrojtja ajrore kapi raketat dhe rrëzoi shumicën e tyre”. /Telegrafi/