‘Raketa’ e De Bruyne ndaj Leedsit vlen të shikohet disa herë

Kevin De Bruyne ka shënuar një gol në stilin e një raketë absolute, teksa Manchester City arriti në fitore të madhe 7-0 ndaj Leeds United në Etihad Stadium të shtunën mbrëma.

Manchester City fitoi me rezultat të thellë 7-0 në shtëpi ndaj Leedsit në ndeshjen e vlefshme për javën e 17-të në Ligën Premier, duke thelluar epërsinë me ndjekësit.

Golat në këtë ndeshje u shënuan nga Phil Foden (8’), Jack Grealish (13’), De Bruyne (32’, 62’), Riyad Mahrez (49’), John Stones (74’) dhe Nathan Ake (78’).

Lexo po ashtu Manchester City shkatërron Leeds United, shënon shtatë herë në fitoren e jashtëzakonshme

Megjithatë, goli i dytë personal i mesfushorit belg, De Bruyne, ka ‘vjedhur’ gjithë vëmendjen e ndeshjes.

De Bruyne shënoi një supergol nga rreth 25 metra, duke çuar epërsinë në 5-0 për Cityn në atë kohë.

Ky gol i belgut ishte padyshim njëri nga më të mirët me fanellën e Cityt dhe në përgjithësi në karrierën e tij. /Telegrafi/