Agjenti i njohur, Mino Raiola, thotë se e ka gjetur një zgjidhje se si do ta mbajë Mario Balotellin larg kartonëve të kuq.
Balotelli është ndëshkuar me tre kartonë të kuq këtë vit, ndërsa në ndeshjen e fundit kundër Lorient, ai u ndëshkua nga gjyqtari Tony Chapron për ofendim.
Raiola për këtë gjë është tallur, duke thënë se do të merr masa drastike nëse do të ndodh përsëri një rast i tillë.
“E kam gjetur tashmë zgjidhjen, do t’ia presim gjuhën. Të luash futboll, nuk të duhet gjuha, që kështu do t’ia presim”.
“Të flasim seriozisht, ne e dimë që ka bërë një gabim të madh, dhe e dimë që është i pafalshëm, por ai duhet të mendojë të përmirësohet”.
“Ai është i dëshpëruar për vete dhe për skuadrën”.
Raiola nuk tregon se a do të largohet në fund të vitit lojtari.
“Është ende herë të flasim për të ardhmen. Më e rëndësishmja është që të kemi tre muaj të mirë për të dhe për ekipin dhe njerëzit e Nice. Pas kësaj do të ketë mjaftë kohë të flasim për të ardhmen”, ka thënë Raiola.
Balotelli është si huazim te Nice për një vit. /Telegrafi/