Agjenti i sulmuesit të Nices, Mario Balotellit, ka deklaruar se ai nuk e ka mentalitetin e duhur.
Sipas Raiolas, nëse Balotelli do të kishte pak afinitete sikur të Ibrahimovicit, atëherë do të fionte së paku pesë topa të artë dhe do të dikutohej për të si një prej më të mirëve ndonjëherë.
“Mario është fenomen, por ai është Balotelli. Ai ishte me fat që u adoptua nga dy njerëz të mrekulueshëm, por në një qytet të vështirë, në një qytet racist”.
“Ai vuajti shumë nga fëmijëria për shkak të racizmit. Ai në kokë gjithmonë ka qenë i tillë. Nëse ai do të kishte mentalitetin e Ibrës, me atë talent, do të fitonte pesë Topa të Artë”.
“Mario është i çmendur, por ja fali sepse ai është djalë i mirë. Një ditë ai kërkoi që të merrte një Bentley, i thashë: ‘Shëno dy herë ndaj Marseille dhe flasim’”.
“Natyrisht se e kam harruar këtë. Më pas gruaja më tha se Mario është në telefon dhe ma dha telefonin të flisja”.
“Unë e dëgjoj zërin e tij të lartë: “Mino, m’i jep çelësat’. Unë mbeta: ‘Cilët çelësa?’, dhe ai më tha të Bentleyt, sepse shënoi dy herë. Kështu, ia dhashë çelësat e Bentleyt tim”.
“Ai shkoi në një klub në jaht dhe bëri gara me njerëz e bëri gjeste të pahijshme. Ai më telefonoi dhe më kërkoi falje. Unë ia fala, sepse nuk mund të hidhërohem me të”.
“Unë garantoj se ai ende mund të bëhet kampion. Për një vit apo një vit e gjysmë, futbolli është jeta e tij. Lindja e vajzës së tij ia ka ndryshuar jetën. Pia është sikur Balotelli, e mirë dhe nevrike”, u shpreh Mino Raiola, agjenti i Balotellit. /Telegrafi/