Rahoveci e ka shënuar edhe një fitore në Superligën e Kosovës në hendboll atë të javës së 13-të.
Të dielën mbrëma në palestrën “Mizahir Isma”, Rahoveci fitoi ndaj Kastriotit të Ferizajt me rezultatin 32-28.
Adonit Isufi me 12 gola dhe Alban Haziri me tetë, ishin më efikasët te Rahoveci. Festim Mustafa u dallua me efikasitet te ferizajasit, duke realizuar tetë gola. Hamdi Salihu i kishte pesë gola.
Pas pjesës së parë rezultati ishte 18-12. Kastrioti megjithatë nuk u dorëzua dhe në minutën e 53-të u afrua në një gol, 27-26.
Mirëpo, edhe fundin e ndeshjes vendasit e kishin më të suksesshëm dhe fituan në fund me 32-28.
Me 16 pikë, Rahoveci renditet i katërti. Kastrioti është i pesti me 12 pikë.