Një burrë është dënuar me gjashtë muaj burgim, pasi kishte goditur një fytyrë një adoleshente myslimane me mish derri.
Alex Chiver 36-vjeç, mund të shihet në videon e publikuar më poshtë duke vrapuar në drejtim të vajzës që po ecte në trotuar në pjesën veriore të Londrës së bashku me nënën, kur në një moment e godet në fytyrë me produkte të derrit, që sipas besimit Islam konsiderohet “haram”, transmeton Telegrafi.
Përveç që kreu sulmin, Chiver dëgjohet duke i thënë nënës së vajzës “mbeturina e ISIS-it”, duke iu referuar organizatës terroriste Shteti Islamik.
Policia metropolitane ka bërë të ditur se edhe pse adoleshentja nuk është lënduar në këtë sulm, ajo ishte shqetësuar nga sulmi i paprovokuar. /Telegrafi/
