Një vajzë 8-vjeçare nga Australi është duke luftuar për jetë, pasi ka rënë nga një shkëmb në detin e trazuar, ku humbi vetëdijen nga dallgët e trazuara që për pak e çuan drejt vdekjes.
Asaj ia shpëtoi jetën babai që u hodh në ujë për ta shpëtuar, e atij i dolën në ndihmë edhe disa persona tjerë, transmeton Telegrafi.
Babai dhe një kalimtar rasti i mbajtën kokën vajzës mbi sipërfaqen e ujit, derisa dikush nga jashtë u hodhi litar për t’i nxjerrë.
Në fund, ekipet e shpëtimit arritën me jet-ski dhe vajzën e vendosën në barelë, me të cilën e nisën drejt spitalit për trajtim.
Po të mos ishte helikopteri i spitalit që e priste në brigje dhe po të mos dërgohej me urgjencë në spital në Brisbane, ajo ndoshta sot do të ishte e vdekur.
Megjithatë mbetet në gjendje kritike dhe po lufton për jetë, shkruajnë mediat australiane. /Telegrafi/
