Një qytet i vogël në Nevada po terrorizohet nga një infektim ‘biblik’ i karkalecave që kanë mbuluar rrugët, kanë pushtuar ndërtesat dhe kanë alarmuar banorët.
Karkalecat dy inç të gjatë që kanë pushtuar Elko, Nevada, jo vetëm që po gllabërojnë të gjitha të korrat, por janë gjithashtu një rrezik për trafikun, pasi miliona prej tyre u shtypën nga veturat, duke krijuar një sipërfaqe të rrëshqitshme.
Banorët po merren gjithashtu me tufën e insekteve që mbulojnë tokën, zvarriten lart mureve dhe po pushtojnë ndërtesat, transmeton Telegrafi.
Sipas Universitetit të Nevadës, Reno – pavarësisht emrit të tyre, insektet janë teknikisht katydidë të mëdhenj që i ngjajnë shumë karkalecave.
Ata nuk fluturojnë, por ecin ose hipin. Dhe megjithëse janë krejtësisht të padëmshëm për njerëzit, insektet janë megjithatë të frikshëm për njerëzit që vuajnë nga fobitë e insekteve. /Telegrafi/
