Një qytet në Meksikë theu një rekord botëror Guinness duke zbuluar një “calavera catrina”, një figurë tradicionale e skeletit Dia de los Muertos, figurë kjo e cila oshte afro 23 metra e gjatë.
Rekordet Botërore të Guinnessit njoftuan se qyteti i Puerto Vallarta fitoi rekordin për figurën “calavera catrina” më të gjatë në botë kur zbuloi skeletin e lartë për Dia de los Muertos, Ditën e të Vdekurve të Meksikës.
“Catrina” u instalua në Faro del Malecon, një far që tani shërben si një nga monumentet më të njohura të qytetit, raporton UPI, transmeton Telegrafi.
Zyrtarët thanë se u desh më shumë se një vit për të projektuar dhe ndërtuar “katrinan”, një proces i drejtuar nga artistja vendase Alondra Muca.
Skeleti është i përbërë nga metali dhe tekstil me fije qelqi. Katrina ishte e veshur me një veshje blu të bërë nga një ekip rrobaqepëse vendase.
Këshilli i qytetit tha se “catrina” do të çmontohet së shpejti dhe pëlhura e fustanit do t’u dhurohet rrobaqepëseve të zonës. /Telegrafi/