Nga: Lou Reed
Përktheu: Fadil Bajraj
Kur je duke u rritur në një qytet të vogël
Ti thua se askush i famshëm nuk ka dalë nga këtu
Kur je duke u rritur në një qytet të vogël
Dhe je duke kaluar një krizë nervore
Dhe mendon se kurrë s’do të ikësh
Nga vetja ose nga vendi ku jeton
Nga ka ardhur Picasso
Nuk ka Michelangelo që vjen nga Pitsburgu
Nëse arti është maja e ajsbergut
Unë jam ajo pjesa që po fundoset teposhtë
Kur je duke u rritur në një qytet të vogël
Ke ten të keq të fytyrës, sy të keq – peder dhe trashalluk
Njerëzit të shikojnë çuditshëm
Ku je në një qytet të vogël
Babai im punonte në ndërtim
Nuk është diçka që më shkon për shtat
E çfarë më bie për shtat mua
Të ik nga këtu
E urrej të jem i çuditshëm në një vend të vogël
Nëse i zgurdullojnë sytë, le t’i zgurdullojnë sytë në Nju-Jork Siti
Në këtë pikturë me sy rozë albino
Deri ku mund të shkojë fantazia ime
Unë nuk jam Dali nga Pitsburgu
As thuthuqi i admirueshëm Capote
Heroi im – oh, a kujtoni se vërtet do të mund ta takoja
Do të kampoja para derës së shtëpisë së tij
Ka sall një gjë të mirë në lidhje me qytetin e vogël
Ka sall një dobi në qytetin e vogël
Ka sall një gjë të mirë në lidhje me qytetin e vogël
Ti e di që dëshiron të ikësh nga ai
Kur je duke u rritur në një qytet të vogël
Ti e di se do të çnjerëzohesh në një qytet të vogël
Ka sall një dobi në qytetin e vogël
Çoje në pidh të s’amës dhe mbathja nga ai vend
