Mendojeni një perandori kolosale të shtëpive të vogla që janë ndërtuar mbi njëra-tjetrën. Tani lidhini ato shtëpi me shkallë jo të sigurta, pa rrethoja, dhe korridore të errëta.
Kjo ishte fotografia e 50 mijë njerëzve që jetonin atje, brenda hapësirës së një blloku të qytetit. Ky ishte qyteti Kowloon, Qyteti i Murit, që dikur konsiderohej vendi më i dendur në botë, transmeton Telegrafi.
Para se të shkatërrohej njëzet vjet më parë, fotografi Greg Girard kaloi vite aty duke dokumentuar këtë fenomen unik në Hong Kong dhe kujton se u mahnit kur e pa për herë të parë.
“Ishte një monstruozitet i madh i ndërtesave”, kujton Girard. “Nuk dukej si asgjë tjetër”.
Mbi të gjitha, qyteti i rrethuar ishte një lloj aksidenti historik. Një ish-kështjellë e dinastisë Qing, ajo kurrë nuk ra plotësisht nën rregullimin e qeverisë koloniale britanike në Hong Kong. Si rezultat, banorët e saj ishin të lirë të ndërtojnë banesat e tyre ashtu si dëshiruan, duke mos marrë parasysh kodet e sigurisë.
“Shumë shpesh shtëpitë u ndërtuan mbi ndërtesat tjera, duke shkulur mure për të ndërtuar shkallët e tyre”, tha Girard. “Shumë prej tyre nuk kishin qasje në ajër ose hapësirë të hapur, sepse ato ishin mbyllur në qendër të strukturës”.
Thellë, brenda errësirës së ndërtesës, lulëzuan një larmi biznesesh të vogla. “Vendet që mbetën jashtë ishin fabrikat e mishit”, thotë Girard.
Por, pavarësisht pamjes së egër të qytetit, fotografi zbuloi se njerëzit brenda jetonin ashtu si njerëzit kudo tjetër.
“Njerëzit bënin gjëra shumë të zakonshme”, thotë ai. “Vetëm se të gjitha këto gjëra të zakonshme po ndodhin në një vend të jashtëzakonshëm”.
Edhe sot, trashëgimia e qytetit jeton. Qyteti, madje është edhe në një nivel në lojën video “Call of Duty: Ops Black”. /Telegrafi/
